NATOğa 70 yıl

NATO ӓğzase bulğan 29 il tışqı êşlӓr ministrları ittifaqnıň 70 yıllığın qotlar öçen 3-4 aprel’ könnӓrendӓ Amerika Quşma Ştatları başqalası Vaşingtonda cıyılaçaq.

Tışqı êşlӓr ministrları Rusiyӓ Federaŝiyase, Ӓfğanstan hӓm terrorçılıq belӓn körӓş mӓs’ӓlӓlӓren qarayaçaq.

Cıyılışı belӓn bӓyle mӓğlümat birgӓn NATO ğomüm sӓrqӓtibe Jens Stoltenberg tışqı êşlӓr ministrlarınıň berençe könne AQŞ Kongressında oyıştırılaçaq utırışta qatnaşaçağın, üzeneň dӓ ittifaq isemennӓn monda çığış yasayaçağın citkerde.

NATOnıň Rusiyӓ kürsӓtkӓn agressiv totıştan borçu toyuın ӓytkӓn Stoltenberg cıyılışta şul uq waqıtta Azov diňgezendӓge kiyerenkelekneň dӓ quzğatılaçağın belderde.

İttifaq ğomüm sӓrqӓtibe berlektӓşlӓrneň Gruziya belӓn Ukrainağa telӓktӓşleklӓren arttıruın kötüen citkerde.

Stoltenberg NATOnıň terrorçılıq belӓn körӓşkӓ qarağan êşçӓnleklӓreneň qaralaçağın ӓytep, bu qısada Ӓfğanstandağı wazğiyӓtneň qaralaçağın açıqladı.