Yaña Zelandiyädä başqa höcümnär dä bulırğa mömkin ide
Terrorçınıñ tağın ber höcüm planlaştırğan buluı farazlana
1167285
Kraystçerç şähärendäge ike mäçettä ut açıp 50 keşene ütergän terrorçınıñ tağın ber höcüm planlaştırğan buluı farazlana. Bu xaqta Yaña Zelandiyä iminlek idaräse ğomum mödire Mayk Buş xäbär itte. Anıñ äytüençä, tärtip saqçılarınıñ Tarrantnı başqa ber cirdä höcüm yasarğa kiteşli êläkterü ixtimalı zur.
Tikşerü äle däwam itä. Şul säbäple, Buş tağın da kübräk mäğ’lümat birä almawın äytte. Ul terrorçını qulğa alunıñ annan soñ da bulırğa mömkin ülemnärgä çik quyuın assızıqladı.
Poliśiyä hälaq bulğan 50 keşedän 21eneñ gäwdälären ğailälärenä tapşırğan.