Yomırqa atqan yeget öçen aqça cıyalar
Möselmannarğa höcümne yaqlağan säyäsätçegä yomırqa atqan yeget öçen 42 meñ dollar cıyğannar
1166352
Yaña Zelandiyädäge ike mäçetkä oyıştırılğan terrorçılıq höcümennän soñ Avstraliyäneñ bäysez senatorı Freyzer Anning möselmannarnı ğayepläwçe belderüläre belän rizasızlıqlarğa yul açtı. Anıñ başına Mel’burnda uzuçı xalıqqa açıq çaralar waqıtında 17 yäş’lek Will Konnolli, protest yözennän, yomırqa attı. Şunnan soñ “GoFundMe” dip ataluçı yärdäm säxifäse aşa yegetneñ “xoquqıy çığımnarı häm tağın da kübräk yomırqa satıp aluı öçen” aqça cıyu kampaniyäse başlandı.
Konnoli anı oyıştırğan keşe belän êlemtägä kerä häm cıyılğan aqçalarnı Kraystçerç şähärendäge höcümdä zarar kürüçelärgä birergä teläwen belderä. Xäzergä qadär 42 meñ dollarğa yaqın aqça cıyılğan.
