Könçığış Qudüstä 23 meň yaňa toraq

İzrail prem’yer-ministrı Binyamin Netanyaxu kiläse 5 yılda yawlaw astındağı Könçığış Qudüstä 23 meň yaňa toraqnıň tözeläçägen açıqladı.

Netanyaxu soŝial’ mediadağı xisabında yasağan açıqlawda: “Qudüs-Yerusalimda 1 milliard şekel (yaqınça 276 million dollar) investiŝiya belän 23 meň yaňa toraqnıň qorıluı qısalarında kileşü tözedek,” – dide.

İzrail televideniyese Kanal 7 älege kileşüneň Netanyaxu qatnaşında Finans ministrlığı, İzrail cirläre idaräse häm Qudüs şähär xaqimiyäte arasında imzalanuın citkerde.

Kileşügä kürä êlekke häm yaňa Qudüs-Yerusalimğa bäyle mäxällälär tözeläçäk, asqorıma investiŝiyaläre häm êş urını bulaçaq kiň mäydannar barlıqqa kitereläçäk.