Niderlandta rizasızlıq

Niderland başqalası Amsterdamda yaqınça 35 meñ keşe xökümätneñ klimat säyäsätenä rizasızlıq belderde. Törle ictimağıy oyışmalarnıñ çaqıruı buyınça oyıştırılğan “Klimat öçen yör” çarasında qatnaşuçılar şähärneñ Dam mäydanında cıyıldı. Alar töp yullardan Muzey mäydanına taba yünälde.

Qatnaşuçılar Niderland xökümäteneñ klimat säyäsätlären tänqıytläde. Alar tağın da täêsirle çaralar kürergä çaqıra.

Demonstraśiyä yañğır astında ütte. Rizasızlıq kürsätüçelärneñ qullarında “Marsta tormış bar. Yuq inde, bik zur räxmät”, “Cirne çista tot, yuqsa orlıqlar şıtmas”, “Kiläse näsellärebezne saqla”, “Klimatnı soñğa qalmıyça qotqar” yazulı plakatlar bar ide.

Yöreş marşrutı buyınça kiñ külämle iminlek çaraları kürelde, şähär üzägendäge qayber yullar maşinalar öçen yabıldı.