İñ ozın ğomerle keşe yänä Yaponiyada
116 yäşendäge Kane Tanaka dönyanıñ iñ olı yäş’täge keşese itep saylanğan
Yaponiyada yäşäwçe 116 yäşendäge Kane Tanaka Ginnesnıñ dönya rekordları tarafınnan dönyanıñ iñ olı yäş’täge keşese itep saylanğan.
Qartlar yortında yäşäwçe Kane Tanakağa bu titul ğailäse häm räsmi zatlar qatnaşında oyıştırılğan çarada tantanalı räweştä birelgän.
Matematikanı bik yaratuçı Tanaka nigezdä irtän 6 da yoqıdan tora.
Ul 8 balalı ğailäneñ 7 nçe balası bulıp 1903 nçe yılnıñ 2 nçı ğıynwarında dönyağa kilä.
1922 nçe yılda Hideo Tanaka belän ğailä qorıp cibärälär.
Alarnıñ 4 balaları bula häm tağın ber balanı tärbiyägä alalar.
Tanakadan êlek dönyanıñ iñ olı yäş’täge keşese uzğan yıl iyül’ ayında 117 yäşendä yaqtı dönyadan kitep barğan yapon xatın qızı Chiyo Miyako ide.
Ginnes dönya rekordlarına kürä dönyada iñ ozın ğomerle keşe 122 yäşendä wafat bulğan franśuz xatın-qız Janna Luiza Kalment.
