Yuğalğan tawçılarnıñ ezenä töştelär
Alar 27nçe fevral'dä "Ülem tawı"nda yuğaldı
Paqıstannıñ Nanga Parbat tawında yuğalğan Awrupa al’pinistlarınıñ êzenä töştelär. İtal’yan Daniêle Nardi häm ingliz Tom Ballardtan 27nçe fevral’dän birle xäbär alınmadı. Tawda êzläw êşläre alıp baruçı törkem Mumeri kiçüe dip ataluçı urında 2 keşe siluêtı kürülären belderde. Qotqaruçılarnıñ yıraqtan küzätü cihazları häm boralaq belän baru mömkinlege bulmawı arqasında älege siluêtlarnıñ yuğalğan tawçılar buluın tögäl açıqlıy almadılar. Hawa şartları yaxşırğannan soñ ul urınğa barırğa ömetlänälär. Al’pinistlar qar buranı waqıtında töp lager’ belän taw oçı tuqtatılışı arasında yuq buldı.
Paqıstannıñ Azad Käşmir töbägendäge Nanga Parbat 8 meñ 126 metr biyeklegendä. Ul dön’yanıñ iñ biyek 9nçı tawı. Anı naçar hawa şartları häm cirlegeneñ uñaysızlığı säbäple al’pinistlar üzara “Ülem tawı” dip yörtä.
