Maduroğa yanaw

Amerikalı cömhüriyätçe senator Marko Rubio Twitter aşa Liviyäneñ üterelgän liderı Muammär Kaddafineñ qanlı fotoräsemnäre belän urtaqlaştı. Monı Venesuêla däwlät başlığı Nikolas Maduroğa açıqtan-açıq yanaw bularaq farazladılar.

Rubio Venesuêla oppoziśiyäsenä köçle teläktäşlek kürsätüe belän bilgele. Şuna kürä, anıñ räsmi Twitter xisabındağı älege räsem rizasızlıq dulqını kiterep çığardı.  Fotoda Kaddafineñ xakimiyättäge waqıtı häm “Ğaräp yazı”nnan soñ cäzalap üterelgän çorı kürsätelgän. Rubio üze räsem astında bernärsä dä yazmağan. Ämma Twitter qullanuçılar monı Maduro belän bäyläp, Venesuêla ilbaşına açıqtan-açıq yanaw bularaq bäyäläde.