Sisi - patşa Sälman söyläşüe

Misır rӓsmi xӓbӓr agentlığı MENAda urın aluçı xӓbӓrgӓ kürӓ Misır dӓwlӓt başlığı Abdulfettah ӓs-Sisi Şarm eş-Şeyx şӓhӓrendӓ bügen başlanğan Awrupa Berlege – Ğarӓp oçraşuı qısalarında Misırğa kilgӓn Soğud Ğarӓbstanı patşası Sӓlman bin Abdülaziz belӓn küreşep söylӓşte.

Sisi söylӓşüdӓ ike il arasında regional’ mӓs’ӓlӓlӓrdӓ iñ yuğarı dӓrӓcӓdӓ koordinaśiyaneñ dӓwam itterelüe zarurlığın hӓm monıñ ike ilneñ strategik ittifaqın nığıtuğa bӓyle buluın assızıqladı.

Patşa Sӓlman da sӓfӓreneñ ike il arasındağı mönӓsӓbӓtlӓrne dӓwam itterü hӓm ike yaqlı xezmӓttӓşlekne raslaw öçen çınğa aşuın citkerde.

Soğud Ğarӓbstanı rӓsmi xӓbӓr agentlığı SPA da patşa Sӓlman hӓm Sisineñ Qızıl diñgez hӓm Aden qultığına yarı bulğan Ğarӓp hӓm Afrika illӓre Şurasın barlıqqa kiterüneñ ӓhӓmiyӓtenӓ basım yasawın belderde.