Süriyägä qaçqan qızlarnıñ berse tabıldı

İke iptäş qızı belän DEAŞ terrorçı oyışmasına kerü öçen Süriyägä kitkän Şamima Begumnıñ sıyınuçı lagerenda buluı açıqlandı.

Angliyä matbuğat çaralarındağı xäbärlärgä qarağanda, anıñ ike balası ülgän häm terrorçı ire törmägä êläkkän. Süriyädäge ber sıyınu lagerenda yäşäwçe Begum ingliz gazetına interv’yu birde. “4 yıl êlek Betnal Grinnan qaçqan 15 yäş’lek añğıra qız tügel inde min. Monda kilüemä dä ükenmim,”-di ul. Xäbärdä Begumnıñ qabat awırlı ikäne äytelä. Ul balası belän bergä Angliyägä kire qaytırğa teläwen belderä.

Begum bergä qaçqan iptäşlären soñğı tapqır uzğan iyün’dä kürüen häm soñınnan êlemtäne yuğaltuın söyli.

Angliyä qurqınıçsızlıq ministrı Ben Uolles matbuğatta Begumnıñ ilgä qaytu teläge belän bäyle belderü yasadı. Ul yäş’ qıznıñ üz ğamällärenä ükenmäwen söyläweneñ “borçu tudıruçı” buluın äytte.

“Keşelär närsä belän bäylänülären añlarğa tiyeş,”-dide Uolles.

Şamima Begum, Kadiza Sultana häm Amira Abas isemle 3 dus qıznıñ 2015nçe yılnıñ 17nçe fevralendä İstanbulğa kilüe açıqlanğan ide. Angliyä poliśiyäse alarnıñ Süriyägä baru häm DEAŞ terrorçı oyışmasına kerü maqsatı belän yulğa çığuların belderde. Törkiyägä qızlarnı totqarlaw öçen maxsus törkem kilde, ämma alar Süriyägä kitkän bulıp çıqtı.

Kadiza Sultananıñ 2016nçı yılda hawadan bombalaw waqıtında ülüe farazlana.

800dän artıq Angliyä watandaşı DEAŞ saflarına kerü öçen Süriyä häm Ğıyraqqa kitkän.