Êtlärneñ örüen tıydılar

Franśiyäneñ tön’yağındağı Fek’yer şähärçegeneñ xakimiyät başlığı şaw-şuğa çik quyu öçen êtlärneñ çiktän tış qatı örülären tıydı. 4 ayaqlı dusları tuqtawsız häm qabatlanuçı şäkeldä hawlağan xaywan asrawçılarğa 68 yevro ştraf salınaçaq.

Xakimiyät başlığı Jan-P’yer Êstienn beldergänçä, tıyu şähärçektä köne-töne örüce häm çıdap bulmıy torğan wäzğıyät’ tudıruçı êtlärgä qarşı kertelde. “Maqsat êt asrawğa çik quyu tügel. Ber tapqır hawlağan öçen ştraf salmayaçaqbız. Şähärçek êtlärgä tiskäre mönäsäbättä tügel. Ämma, ägär sez êt asrıysız ikän, anı öyrätergä dä tiyeş,”-dip söyläde ul “Le Parisien” gazetına.   

Älege tıyu xaywan xoquqların yaqlawçılarnıñ iğ’tibarın cälep itte. “Alaysa yäkşämbe könne çirkäwlärneñ çañ qağuın da tıyığız. Êtlärneñ awızı hawlaw öçen,”-dip rizasızlıq belderde alar.

Franśiyädä monnan alda da êt örüne tıyuçı qarar çıqqan ide. 2012nçe yılda ilneñ kön’yaq-könbatışındağı Sent-Fua-la-Grandeda xaywannarnıñ çiktän tış qatı hawlawı cämäğat’çelek tärtiben boza dip belderdelär.