30 tonna qırmısqaaşar ite qulğa töşerelde

Malayziyada ber fabrikada yaqınça 30 tonna tuñdırılğan qırmısqaaşar cänlegeneñ ite tabıldı. Älege ob’yektqa poliśiyä ber xäbär näticäsendä basqın oyıştırğan. Operaśiyädä 360 qabırçıq häm 61 tere xaywan da qulğa töşerelgän. Fabrikanıñ idaräçese saq astına alındı.

Töbäk poliśiyä bülekçäse şefı Omar Mammax beldergänçä, Malayziyädä yuqqa çığa baruçı qırmısqaaşar cänlege belän säwdä itü tıyılğan.  Aziya qıytğasında anıñ ite häm östendäge qabırçıqları qıymmätle sanala. Şuña kürä yaşeren säwdä kiñ cäyelgän.  Qıtayda qırmısqaaşar qabırçığındağı keratyin matdäse tradiśion daru yasaw öçen qullanıla.