Venesuêlada xӓrbi künegülӓr başlana

Künegülӓr 15 fevral’ könenӓ qadӓr baraçaq

maduro tatbikat2.jpg
maduro tatbikat1.jpg

Venesuêla armiyase Amerika Quşma Ştatları hӓm kürşe illӓr belӓn kiyerenkelek barlıqqa kilgӓn ber çorda 5 kön baraçaq xӓrbi künegülӓr başlattı.

Künegülӓr Latin Amerikada İspaniya citӓkçelegenӓ qarşı bӓysezlek xӓrӓkӓte belӓn citӓklӓgӓn Simon Bolivarnıň Angostura çığışınıň 200 yıllığına turı kiterelde.

Xӓrbi künegülӓr uňayınnan Miranda vilayӓtenӓ kitkӓn Guaikaypuro xӓrbi bazasında oyıştırılğan xӓrbi tantanada dӓwlӓt başlığı Nikolas Maduro hӓm Saqlanu ministrı Vladimir Padrino Lopez belӓn ber rӓttӓn ciröste hӓm hawa berleklӓre citӓkçelӓre dӓ qatnaştı.

Monda ğaskӓrilӓrgӓ mörӓcӓğat’ itkӓn Maduro tübӓndӓgeçӓ citkerde: “Qorallı köçlӓr monda, 200 yıl buyı kilӓçӓge öçen körӓşkӓn watannıň namusın hӓm dӓrӓcӓsen saqlawçı keşelӓr monda. Amerikan ilbaşı Donal’d Tramp ta, yanawları da qurqıtmıy.”

AQŞnıň xӓrbi qatışu yanawları artqan çorda başlanğan hӓm 15 fevral’ könenӓ qadӓr baraçaq xӓrbi künegülӓrdӓ armiyaneň operaŝional’ ӓzerlege hӓm miliŝiya köçlӓre belӓn urtaq êşçӓnlekneň sınap qaraluı maqsat itelӓ.



Bäyläneşle xäbärlär