Liviyada sälamätlek saqlaw oyışmalarına höcümnär artqan

Bötendönya sälamätlek saqlaw oyışması Liviyada sälamätlek saqlaw oyışmalarına höcümnärneñ artuı turında kisätte.

Oyışma beldergänçä, Liviyada 2018-2019 nçı yıllarda sälamätlek saqlaw xezmätkärläre häm qorılmalarına 41 dän kübräk höcüm yasalğan häm bu höcümnär räsmi bularaq isbatlanğan.

Älege höcümnärdä 6 keşeneñ ğomere özelgän,25 keşe yaralanğan ,7 sälamätlek saqlaw xezmätkäre höcümgä duçar bulğan.

İl külämendä bäreleşlär däwam itü säbäple aşığıç yärdämgä moxtac meñnärçä keşe mediśina yärdämennän mäxrüm qala.

Liviyadağı säyäsi krizis arqasında mediśina oyışmalarınıñ 75%ı yabılğan yäisä öleşçä xezmät kürsätä, sälamätlek saqlaw xezmätkärläre mäs’äläsendä dä citdi problemalar bar.

Bötendönya sälamätlek saqlaw oyışmasınıñ Liviya wäkile Cafär Säyyid Xösäyen ildäge suğışuçı yaqlarnı sälamätlek saqlaw xezmätkärläre häm mediśina oyışmalarına höcümnärne tuqtatırğa çaqırdı.