AQŞta tuñıp ülälär

Amerika Quşma Ştatlarında ike könder xakimlek itüçe köçle suıqlarda ülüçelär sanı 11gä citte. Hawa temperaturası ilneñ qayber cirleklärendä -40qa qadär töşte.

Kiçä Ayova ştatınıñ qarlı häm bozlı yullarında bulğan qazalarda 3 keşe hälaq bulğan. Ayova häm Minnesotada 2 keşe tuñıp ülgän.

Annan aldağı könne dä törle ştatlarda 6 keşeneñ ğomere özelde.

N’yu-York häm N’yu-Djersi ştatlarında irtänge säğat’lärdä xis itelüçe temperatura -29 gradus ide. İke ştatnı ayırıp toruçı Gudzon yılğasınıñ ber öleşe boz belän qaplandı.

Monnan tış, Manxetten üzägendäge Braynt parkındağı çişmä dä tuñdı häm turistlar öçen qızıqlı küreneş päyda buldı.

Miçigan ştatında suıq hawa arqasında räsmi dairälärneñ êşlämäyäçäge belderelde.