"Tınıç xalıq yäşäwçe urınnarğa höcüm itü - vöcdansız keşelärneñ êşe"

Yämänneñ tönyaq-könbatışındağı Haccä qalasında sıyınu üzägenä höcüm yasalğan.

Berläşkän Millätlär Oyışmasınıñ humanitar yärdäm koordinatorı Lise Grande sıyınuçılar üzägenä oyıştırılğan höcümdä tınıç xalıqtan 8 keşeneñ ğomere özelüen, 30 keşeneñ yaralanuın citkergän.

Grande:”Höcüm qurqınıç häm mäğ’näsez.Tınıç xalıq yäşäwçe urınnarğa höcüm itü - vöcdansız keşelärneñ êşe. Bu xalıqara keşe xoquqların açıq räweştä bozu”,-dip beldergän.

Ozaq waqıt säyäsi totrıqsızlıq küzätelgän Yämändä husilär 2014 nçe yılnıñ sentyabrennän birle başqala Sana häm başqa qayber töbäklärneñ kontrolen üz qulında tota.

Soğud Ğaräbstanı äydäp baruçanlığındağı koaliśiya köçläre 2015 nçe yılnıñ mart ayınnan birle husilärgä qarşı Yämän xökümätenä yaqlaw kürsätä.