Braziliyädä damba qazasında ülüçelär

Braziliyäneñ kön’yaq-könbatışında comğa könne ber’yulı 3 damba işelü näticäsendä ülgän 40 keşeneñ mäyeten taptılar. Minas-Jerays yanğın sünderü oyışmasınnan yasalğan belderügä qarağanda, 23 keşe xastaxanädä, yaqınça 300 keşe yuqqa çıqqan. Cirlektä êzläw-qotqaru êşläre däwam itä.   

Älege dambalar qazılma baylıqlar çığaruçı oyışmanıqı. Anda timer rudniğı urnaşqan. Şirkät wäkilläre dambalar işelgän waqıtta rudnikta 427 keşeneñ buluın häm alarnıñ 279ınıñ qotqarıluın belderä.

Dambalar işelgännän soñ pıçraq sular yılğa buyınça ağıp toraq punktqa kilgän. Brumadin’o cirlegendä yortlarnın zarar kürüen belderälär. Şähärneñ qayber rayonnarınnan keşelärne êvakuaśiyälägännär.

Braziliyä däwlät başlığı Jair Bolsonaru üzeneñ borçıluların belderde häm 3 ministrnı waqıyğa urınına cibäräçägen xäbär itte.