Süriyädä mäçetlärgä höcüm

AQŞ citäkçelegendäge DEAŞqa qarşı koaliśiyä Süriyäneñ Däyrizor rayonında tağın ber mäçetne bombaladı. Yazmaça belderüdä terrorçılarnıñ mäçettäge kontrol’ häm komandalıq noqtasınıñ idaräle bomba yärdämendä yuq itelüe äytelä. Koaliśiyä beldergänçä, DEAŞ höcüm itü tıyılğan binalarnı qullana.

AQŞ citäkçelegendäge koaliśiyä uzğan atnada da Däyrizor rayonına bäyle Şäfafe cirlegendä ber mäçetne maqsat itep aldı. Uzğan ayda Häccin rayonında ğıybadätxanä häm xastaxanäne bombalağanda ğadi xalıqtan distälägän keşe ülde. Şul uq rayonda 22nçe oktyabr’dä Zäviyä mäçetenä höcümdä namazğa kilgän 7 keşeneñ ğomere özelde. 21nçe oktyabr’dä isä Häccindä Kor’än kursı barğanda hawa höcüme yasaldı häm 6 grajdanlı hälaq buldı. Koaliśiyä oçqıçları 19nçı oktyabr’dä comğa namazı waqıtında Ğosman bin Affan mäçetenä bomba yawdırdı. Anda 16 keşeneñ ülüe bilgele. Annan aldağı könne şul uq cirlektä Amman bin Yaser mäçetenä höcümdä 30 keşeneñ ğomere özelgän ide. Alarnıñ 2se bala.

Koaliśiyä bu höcümnärdä DEAŞnı maqsat itep aluın belderä.