AQŞnıñ “Taliban” belän söyläşü urını bilgelände

Amerika Quşma Ştatlarınıñ Äfğanstan maxsus wäkile Zalmay Halilzadnıñ Paqıstan tışqı êşlär ministrı Şah Mahmud Kuräşi belän ütkärgän söyläşüdä monnan soñğı Afğanistandağı “Taliban” belän Amerika Quşma Ştatları arasındağı söyläşüneñ İslamabadta uzdırıluı qararına kilende.

Cirle medianıñ diplomatik çığanaqlarğa tayandırğan xäbärlärgä kürä, Tışqı êşlär ministrı Şah Mahmud Kuräşi belän Halilzad söyläşüdä Paqıstannıñ Äfğanstanda urnaştırılaçaq tınıçlıqta üz östenä alaçaq rolen söyläşte.

Oçraşu waqıtında “Taliban”ğa monnan soñğı AQŞ-“Taliban” söyläşüeneñ İslamabadta uzdırıluı öçen çaqıru cibärelüe, cıyılışqa Soğud Ğaräbstanı, Qatar häm Berläşkän Ğaräp Ämirlekläre wäkilläreneñ dä çaqırıluı mäs’äläsendä kileşügä ireşelde.

Wazıyfağa kilgän sentyabr’ ayınnan birle Paqıstanğa bişençe tapqır kilgän Halilzadnıñ wäkillegendä Amerika Quşma Ştatları däwlät departamentı, Saqlanu ministrlığı häm Milli iminlek şurasınnan da räsmilär bar.

Halilzad monnan aldağı säfärläre waqıtında Paqıstannan “Taliban”nı söyläşülär östälenä utırtu öçen yoğıntısın qullanuın telägän ide.

Paqıstan Baş ministrı İmran Han uzğan ayda yasağan belderüendä Amerika Quşma Ştatları häm “Taliban” arasında söyläşüne köyläwlären citkergän, ike taraf 17nçe dekabr’dä Qatarda oçraşqan ide.