Ganada êtnik bäreleşlär

Könbatış Afrika däwläte Gananıñ tön’yağında soñğı ber atnada bulğan êtnik bäreleşlär arqasında meñnärçä keşe yäşäw urının üzgärtergä mäcbür buldı. Afät waqıtında idarä itü milli oyışmasınıñ tön’yaq töbäk koordinatorı Alxaji Abdullax Hindu beldergänçä, bäreleşlär konkomba häm çokosi qabiläläre arasında kilep çıqqan. Ul 31nçe dekabr’dän birle däwam itä. 5 meñnän artıq keşe qurqınıçsızlıq maqsatlarınnan cirlekne taşlap kitkän. Alarnıñ kübese balalar häm xatın-qızlar.

Hindu bäreleşlärdä yözlärçä keşeneñ yaralanuın, küp öylärneñ yandırıluın da äytte. Xäzer cirlektä wäzğıyät’ne  iminlek köçläre kontrol’gä alırğa tırışa, uramğa çığu tıyılğan.

Ganada kokomba häm çokosi êtnik törkemnäre arasında bäreleşlär 2018nçe yılnıñ may ayınnan başlandı. Ul waqıtta kokombalar ber cirlekneñ üzläreneke buluın belderde. Qabilä başlıqları isä cirneñ çın xucası çokosilär ikänen iğlan itte.