İndoneziyädä cir ubıluda ülüçelär

İndoneziyäneñ Könbatış Yava töbägendäge Sukabumi şähärendä köçle yañğırlar säbäple cir ubıluda ülüçelär sanı 32gä citte.

Kompas gazetasınıñ xäbärenä qarağanda, 2018nçe yılnıñ 31nçe dekabrendä bulğan cir şuışuda 30 öy tufraq astında qaldı. Êzläw-qotqaru êşçänlege tögälläner aldınnan tağın ber keşeneñ cansız gäwdäsen taptılar.  

Cir ubılu 100 keşegä naçar yoğıntı yasadı. Anda 3 keşe yaralandı. 64 keşene imin urınnarğa küçerdelär.

İndoneziyädä tropikal’ klimat. Ğadättän tış köçle yawım-töşem säbäple su basular häm cir ubılular bik yış bula.