Pompeonıñ süzläre skandal tudırdı

AQŞ däwlät särqätibe Mayk Pompeo ileneň Süriyädän çigenü qararına bäyä birgändä Törkiyä xaqında äytkännäre skandalğa säbäpçe buldı.

Pompeo Amerikan “N’yusMaks” televideniyesenä yasağan açıqlawında ilbaşı Donal’d Trampnıň Süriyä mäs’äläsendäge boyırıqlarına tuqtalıp: “Bolarnı barlıq frontlarda başqaraçaqbız. Çigenü genä tügel, ä ilbaşı citkergän närsälär: töreklärneň kördlärne üterülärenä qomaçawlawnıň ähämiyäte, Süriyädä dini azçılıqlarnıň saqlanuı, barlıq bolar AQŞ missiyaseneň ber öleşe,” – dide.

Törkiyä ilbaşı Ärdoğan belän bäyle “ışanıçlı partnyermı?” sorawına da cawap birgän Pompeo: “Töreklär belän küp närsä östendä êşlärgä kiräk. NATO berlektäşebez alar. Amerikannar qızıqsınğan häm Amerikannar iminlegen täêmin itkän närsälärgä xuplaw kürsätälär,” – dide.

Törkiyä belän bäyle borçu toyğan mäs’älälärneň dä buluın citkergän AQŞ däwlät särqätibe törek räsmi zatları belän söyläşülärneň däwam itüen belderde.