MakGurknıñ kitüenä Tramp aptıramadı

AQŞ ilbaşı Donal’d Tramp terrorçı oyışma DEAŞqa qarşı köräş maxsus wäkile Brett MakGurknıñ êşennän kitüe turında belderü yasap, anı tanımawın häm wazıyfası tögällänergä az waqıt qalğaç ğariza yazıp êştän çığuı belän iğ’tibar cälep itärgä tırışuın belderde.

“İlbaşı Obama tarafınnan 2015nçe yılda bilgelängän Brett MakGurk belän tanışmadım, -dip yaza Tramp Twitter bitendä. - Fevral’dä wazıyfası tögällänergä tiyeş ide, ämma xäzerdän êşen taşladı. Media öçen uynıymı? Yalğançı media hiçber ähämiyäte bulmağan waqıyğanı qabarta”.

Amerikanıñ mäğ’lümat çaralarında urın alğan xäbärlärgä qarağanda, MakGurk äle küptän tügel däwlät departamentındağı ber cıyılışta Süriyädän çığunıñ mantıyqsız bulacağın äytkän. Anıñ älege qararnı yaqlamawı säbäple däwlät särqatibe Mayk Pompeoğa êşennän kitü turındağı ğarizasın birüe belderelä. Anda MakGurk töbäktä DEAŞnıñ äle xaman aktiv buluın häm terror oyışmasın tulısınça ciñmäwlären alğa sörä. Ul çigenü qararınıñ terrorçılarğa qabat cäyelü öçen mömkinlek biräçägen assızıqlıy.

Tramp Süriyädän çigenü qararın tänqıyt’läwçelärgä dä Twitterdan cawap birde. “Ägär ilbaşı Donal’d Tramp urınına başqa ber ilbaşı Süriyädä DEAŞnıñ zur öleşen yuq itkännän soñ ğaskärlärebezne sälamät häm bäxetle räweştä öylärenä qaytarsa, Amerikanıñ iñ populyar kaharmanı bulır ide,”-dip üpkäläde ul.

Monnan tış, Tramp Süriyädän çığu qararınnan soñ AQŞ saqlanu ministrı Djim Mattisnıñ wazıyfasınnan kitüenä dä üz fikeren belderde.

“İlbaşı Obama Djim Mattisnı mäsxäräle räweştä quğan waqıtta, aña ikençe mömkinlekne birdem. Qayberäwlär bolay êşlämäskä quştı, ämma min kiräk dip taptım. Hiç iyä bula almağan çığanaqlarnı birdem. Berlektäşlär ähämiyätleder, ämma Amerikanı naçar niyät belän qullanırğa röxsät itmäm,”-dip yazdı Tramp.