AQŞnıñ yök maşinaları Süriyädän çığa başladı
Amerikalı xärbilärneñ çığu qararı iğ’lan itelgännän soñ Süriyäneñ Ğıyraq çik buyında xäräkätle säğat’lär buldı
AQŞnıñ Süriyädän çigenü qararı çığuğa êlek YPG/PKKğa qoral taşığan distälärçä yök maşinası älege ildän kitä başladı.
Amerikalı xärbilärneñ çığu qararı iğ’lan itelgännän soñ Süriyäneñ Ğıyraq çik buyında xäräkätle säğat’lär buldı.
Cirle çığanaqlardan alınğan mäğ’lümatlarğa qarağanda, säğat’ tönge 11lär tiräsendä öste yabulı yök maşinaları Ğıyraqqa taba quzğaldı. Êlek terrorçılarğa qoral kitergännän soñ, älege il aşa kire qaytqanda, alarnıñ êçläre buş ikäne kürenä torğan itep ös yabuları açıp quyılğan bula ide. Bu yulı maşinalar ösläre yabulı xäldä Ğıyraqqa kerä.
Kire qaytu öçen qarañğılık töşkän tönge säğat’lärne saylawları da iğ’tibarnı cälep itä. Ösläre açıq qayber arbalarda êş texnikası häm mina êzläwçelär urın aluı kürenä.
Amerika mediası irtänge säğat’lärdä AQŞ armiyäseneñ Süriyädäge 2 meñ tiräsendäge xärbine tulısınça çığarırğa planlaştıruın alğa sörde.
AQŞ ilbaşı Donal’d Tramp Twitter xisabınnan yasalğan belderüendä: “Süriyädä buluıbıznıñ berdänber säbäbe bulğan DEAŞnı ciñdek,”dide. Şunnan soñ Aq Yort mäs’älägä açıqlıq kertte. Anda amerikalı xärbilärneñ ilgä qaytuı başlanuı äytelde. Bu prośess 2-3 ayğa suzılaçaq.
