Franśiyä xökümäte uramğa çıqmasqa çaqırdı
Xökümät wäkilläre “sarı jiletlılar”nı rizasızlıq çaraların tuqtatırğa öndi
Franśiyä xökümäte süzçese Bendjamin Grivo Strassburgtağı qorallı höcümnän soñ “sarı jiletlılar”dan şimbä könne uramğa çıqmawların soradı. Ul poliśiyäneñ soñğı atnalarda bik küp êşläwen sıltaw itep kürsätä. Grivo beldergänçä, xökümät “sarı jiletlılar”nıñ rizasızlıq çaraların tıymıy, tıysalar da keşelärneñ uramğa çığuına kirtä quyu bik awır bulır ide. Şulay da, ul Strassburgta 3 keşeneñ ğomeren özgän bombalı höcümnän soñ rizaszılıq çarasınnan baş tartsalar, mantıyqlı bulır ide digän fikerdä.
Tirä-yaq möxitne saqlaw ministrı Fransua de Ruji “Senat” telekanalına belderü yasap, “sarı jiletlılar”nıñ çaralarnı tulısınça tuqtatuı kiräklegen belderde.
Milli parlament räise Riçard Ferrand ta cirle ber radioğa interv’yusında ilbaşı Êmmanuêl’ Makronnıñ “sarı jiletlılar”nıñ taläplärenä cawap birüen, şul säbäple çaralar betärgä tiyeşlegen assızıqladı.
Bäyläneşle xäbärlär
Putin Ciñü könendä çığış yasadı
Bügen Rusiyädä İkençe Bötendön’ya suğışınıñ tögällänüen bilgeläp uzalar