Nigeriyädä 35 million bala aç

Bu xaqta BMO belderä

Nigeriyädä 35 million bala aç

 

Berläşkän Millätlär Oyışması Könbatış Afrika illärennän Nigeriyädä millionnarça balanıñ citärlek däräcädä tuqlana almawın belderä.

BMOnıñ balalarğa yärdäm fondı YUNİSEF nıñ tuqlanu kiñäşçese Davis Bamidele Omotola il külämendä yaqınça 35 million balanıñ citärlek däräcädä tuqlanmawın häm alarnıñ kübeseneñ “Boko Haram” terror oyışması aktiv bulğan Borno, Adamawa häm Yobe vilayät’lärendä yäşäwen citkerä.

Omotola ildä 5 yäş’tän keçeräk 25 million balağa açlıq häm ülem yanawın, 10 million balanıñ aqıl üseşe yağınnan artta qaluın äytä.

Davis Bamidele Omotola ”Boko Haram” höcümnären ilneñ tön’yaq-könçığış töbägendä citärlek külämdä tuqlana almaw krizisınıñ iñ zur säbäbe itep kürsätä.

Ul höcümnärneñ töbäktä azıq-tölek ışanıçsızlığı,törle yoğışlı awırular taralu häm çista su ixtıyacın qanäğät’ländermäw kebek problemalar kiterep çığaruın citkerä.


Etiketlar: balalar , açlıq , Nigeriya , YUNİSEF , BMO

Bäyläneşle xäbärlär