Fanatik yähüdlärneñ höcüme

Fanatik yähüdlär Käfr Kasım şähärendä İzrail watandaşı fälästinlelärneñ maşinalarına zıyan salıp, alarğa rasaçıl şiğar’lär yazdı. Cirle mäğ’lümat çaralarınıñ xäbärlärenä qarağanda, barlığı 32 avtomobil’neñ tägärmäçlären şartlatqannar. Maşinalarğa “Bäyä ütätterü”, “Yähüdlär süssez qalmas” şikelle näfrät tulı cömlälär yazılğan. Xäbärdä İzrail poliśiyäseneñ waqıyğa belän bäyle tikşerenü başlawı äytelä.

Fälästin çığışlı İzrail xalıq ışanıçlısı İsavi Fureyc isä yazma belderü yasap fanatik yähüdlärneñ rasaçıl adımnarın tänqıyt’läde.  Ul ğayeplelärne tiz arada totıp mäxkämägä çığarırğa çaqırdı. Fureyc İzrailneñ sulçı xökümäteneñ bu tör ğamällärgä küz yomuın assızıqladı.  

Fälästinlelärneñ mölkätenä zıyan salu belän şöğıl’länüçe “Bäyä ütätterü” dip ataluçı radikal’ yähüd oyışması basıp alınğan Könçığış Qudüs, Yordannıñ Könbatış üzänlege häm İzraildäge fälästin awılları häm şähärlärendä höcümnär oyıştıra.

2015nçe yılda oyışma Nablus şähäre yanındağı Duma toraq punktına barıp, anda ber öygä ut törtte. Näticädä 18 aylıq bäbäy häm ätise yanıp ülde. Bu waqıyğa “Bäyä ütätterü” oyışmasınıñ terrorçılıq höcümnärennän berse bularaq terkälde.