"Rusiyägä çikläwlärne arttırığız"

Ukrainanıň BMO daimi wäkile Volodimir Yel’çenko Rusiyägä qarata çikläwlärne arttırırğa çaqırdı.

Yel’çenko BMO iminlek şurasında Rusiyä häm Ukraina arasındağı kiyerenkelek qaralaçaq cıyılıştan alda jurnalistlarğa açıqlaw yasadı.

Volodimir Yel’çenko: “Rusiyägä qarata çikläwlärne arttıru zarur. Bu - berdänber yul, çönki Rusiyä başqa teldän aňlamıy,” – dide.

Rusiyä Federaŝiyase Azov diňgezendä Ukraina belän barlıqqa kilgän kiyerenkelektän soň BMO iminlek şurasın aşığıç räweştä cıyılırğa çaqırğan ide.

Rusiyä 15 ağzale şurada kiräkle bulğan 9 ilneň xuplawın ala almağanı öçen älege cıyılış  “Azov diňgezendäge Rusiyä-Ukraina kiyerenkelege” iseme astında uzdı.

Amerika Quşma Ştatlarınıň BMO daimi wäkile Niki Xaley Angliya, Hollandiya, Pol’şa häm Şveŝiya isemennän yasağan açıqlawında Ukrainanıň möstäqillege häm cir bötenlegen xuplawların belderde.

Xaley Rusiyäneň atna azağında kiyerenkelekne arttıruın citkerde.