Hindstanda ğarasat

Hindstannıñ kön’yağında xakimlek itkän ğarasatta 10 keşeneñ ğomere özelde. İlneñ ğadättän tış xällär idaräse wäkile Narendra Kumar beldergänçä, dawılda bik küp yortlar zarar kürgän.

Gaja ğarasatı Tamil Nadu töbägeneñ yar buyı rayonnarına bärde. 80 meñnän artıq keşene imin urınnarğa küçerdelär. Cilneñ tizlege säğatenä 90 kilometrğa citä. Şul säbäple, töbäkkä êlektr ênergiyäse birü kiselde.

Ğarasat bulğan cirleklärdä mäktäplärdä uqular tuqtatıldı. Balıqçılarğa diñgezgä çıqmıyça torırğa quşıldı.

Hindstannıñ Orissa töbägendä 1999nçı yılda bulğan ğarasatta 15 meñnän artıq keşe ülgän ide.