Talibannar 30 poliśiyä xezmätkären üterde

Äfganstanda Taliban suğışçıları çik buyı iminlek sağına höcüm itte. Anda 30 poliśiyä xezmätkäre ülde. Qanlı waqıyğa Farax töbägendäge Puş Kox rayonında buldı. Cirlekneñ idarä başlığı Abdul Xakim Nuri beldergänçä, suğışçılar rayonnıñ İran belän çigendäge saq bülegenä höcüm itkän. Ul xäzer terrorçı oyışma qulında. Räsmi mäg’lümatlärgä qarağanda, 20 çik buyı saqçısı totıq bularaq alınğan.

Taliban tarafınnan yasalğan belderüdä poliśiyä bülegendäge küpsanlı qoral häm suğış kiräk-yaraqların qulğa töşerüläre äytelä.