“Cinayät’neñ niçelk êşlänüen härxäldä Soğud Ğaräbstanı räsmiläre beläder”
Bu xaqta Soğud Ğaräbstanınıñ İstanbuldağı baş konsullığında üterelgän jurnalist Cämal Qaşıqçınıñ yäräşelgäne Haticä Cängiz belderde
Soğud Ğaräbstanınıñ İstanbuldağı baş konsullığında üterelgän jurnalist Cämal Qaşıqçınıñ yäräşelgäne Haticä Cängiz xalıqara xäbär agentlığı “Reuters”nıñ sorawlarına cawap birde.
Angliya başqalası Londonda uzğan Cämal Qaşıqçını iskä alu programmasında qatnaşuçı Cängiz Amerika Quşma Ştatları ilbaşı Donal’d Trampqa möräcäğät’ itep “Çınbarlıqnı öyränü öçen yärdäm itegez häm cinayät’ne yomıp qaldırırğa röxsät itmägez”,-dide.
Qaşıqçı cinayäteneñ Soğud Ğaräbstanı konsullığında başqarıluın beldergän Haticä Cängiz: “Bu cinayät’neñ niçelk êşlänüen härxäldä Soğud Ğaräbstanı räsmiläre beläder”,-dide.
Cinayät’tän Riyad citäkçelegeneñ cawaplı buluın beldergän Cängiz ğayeple keşelärne cäzağa tartu kiräklegenä basım yasadı.
Dönyanıñ här poçmağında yäşäwçe keşelärneñ teläktäşlegennän qanäğät’ buluın beldergän Haticä Cängiz liderlarnıñ totışın küñel qaytarğıç bularaq bäyäläde.
