Klinton häm Obamanıñ öyendä şartlatuçı matdä

Êlekkege AQŞ ilbaşları Bill Klinton häm anıñ xatını êlekkege däwlät departamentı başlığı Xillari Klintonnıñ N’yu-Yorktağı öylärendä şartlawçı matdä tabıldı. Bu xaqta isemen äytergä telämägän ber wäqalätle zat xäbär itte. Tikşerüçelär Klintonnarnıñ öylärendäge tabıldıqnıñ düşämbe könne AQŞ milliarderı Djordj Sorosnıñ poçta tartmasınnan kilep çıqqan matdä belän bäyläneşle buluın alğa sörä.  

N’yu Kastl poliśiyäse, Federal’ tikşerü xezmäte, Yäşeren xezmät  häm Uêstçester töbäk wäkilläre “söbhäle paket belän bäyle tikşerü” ütkärülären belderde.

AQŞnıñ yäşeren xezmäte Üzäk küzläw oyışması êlekkege ilbaşı Barak Obamanıñ Vaşingtondağı öyenä dä bombalı paket cibärelüen xäbär itte.

Waqıyğadan soñ AQŞ däwlät başlığı Donal’d Tramp belderü yasadı häm Aq Yortnıñ bu ike waqıyğanı da citdi räweştä tikşeräçägen äytte.