Balalarğa açlıq yanıy

Kön’yaq Sudanda 20 meñ balanıñ yaña yılğa qadӓr citӓrsez tuqlanudan yaqtı dönyadan kitӓ alacağı belderelde.

Xalıqara ictimaği oyışma “Save the Chidren”nan yasalğan açıqlawda watandaşlar suğışı kiterep çığarğan şartlar arqasında ildӓ 1 millionı bala-çağa bulğan barlığı 6 millionnan artıq keşeneñ aşığıç rӓweştӓ azıq-tölekkӓ ixtıyacınıñ buluı citkerelde.

Açıqlawda: “270 meñ balağa açlıq yanıy. Yaqınça 20 meñ balanıñ 2018 yıl azağına qadӓr açlıqtan ülüe mömkin,” – dip ӓytelde.

Suğışnıñ iñ awır nӓticӓlӓre belӓn oçraşuçılarnıñ balalar buluın xӓterlӓtkӓn oyışma humanitar yӓrdӓm xezmӓtlӓrenӓ ireşüneñ qulaylaştırıluı öçen dӓ çaqıru yasadı.

İldӓge watandaşlar suğışı un meñnӓrçӓ keşeneñ ğomeren özde, millionnarça keşene öylӓren taşlap kitӓrgӓ mӓcbür itte.