Merkel' - Abbas söyläşüe
Kanśler Fӓlӓstin mӓs’ӓlӓsendӓ ike dӓwlӓtle çişeleşne xuplawın assızıqladı
Germaniya Kanślerı Angela Merkel’ ileneñ hӓm Awrupa Berlegeneñ Fӓlӓstin mӓs’ӓlӓsendӓ ike dӓwlӓtle çişeleşne xuplawın assızıqladı.
Merkel’ Falӓstin dӓwlӓt başlığı Mӓxmüt Abbas belӓn telefonnan söylӓşte.
Ul ileneñ ike dӓwlӓtle çişeleş yaqlı buluın ӓytte.
Fӓlӓstinneñ rӓsmi xӓbӓr agentlığı WAFAnıñ xӓbӓrenӓ kürӓ Fӓlӓstin dӓwlӓt başlığı Abbasqa şaltıratqan Germaniya Kanślerı ileneñ hӓm Awrupa Berlegeneñ ike dӓwlӓtle çişeleş nigezendӓ töbӓktӓ tınıçlıqnıñ urnaştırıluın xuplawın assızıqladı.
Söylӓşüdӓ Merkel’ Abbasqa İzrail prem’yer-ministrı Binyamin Netanyaxu belӓn ütkӓrgӓn söylӓşüneñ nӓticӓlӓre belӓn bӓyle mӓğlümat birde. Angela merkel’ Ğazzӓ belӓn bӓyle borçuların da citkerde.
Fӓlӓstin ilbaşı da Merkelğa Amerika Quşma Ştatları hӓm İzrail belӓn mönӓsӓbӓtlӓr mӓs’ӓlӓsendӓ soñğı tӓraqqıyӓtlӓrne belderde.
Merkel’ belӓn Abbas ike taraf arasında urtaq koordinaśiya hӓm söylӓşülӓrneñ kilӓse çorda dӓwam itüe mӓs’ӓlӓsendӓ kileşte.
