İzrailneñ ğazzälelärgä höcüme

İzrailneñ xärbi oçqıçı Ğazzä çigendä tınıç “Böyek Qaytu yöreşe” çaralarında qatnaşuçılarğa hawa höcüme yasadı. Ut astında qaluçılar - qamawnı yuqqa çığaru häm üz cirlärennän mäcbüri küçerelüçelärneñ kire qaytuın taläp itüçe fälästinlelär.

İzrail’ armiyäsennän belderülärençä, höcüm yanuçı oçırtqıç häm şar atuçı ber törkemne maqsat itep alğan.  

Fälästinlelär 30nçı marttan başlap qamalış astındağı Ğazzäneñ çigendä “Böyek Qaytu yöreşe” iseme astında tınıç çaralar oyıştıra. İzrail xärbiläre üz cirlären kire qaytarunı taläp itüçe xalıqqa çın yädrälär belän ut açtı. Bu höcümnärdä 190nan artıq keşe şähit buldı.