Selfi yasağanda iğtibarlı bul
259 keşe üz-üzen rӓsemgӓ töşergӓndӓ yaqtı dönyadan kitkӓn
Soñğı 6 yılda dönyada 259 keşe üz-üzen rӓsemgӓ töşergӓndӓ yaqtı dönyadan kitkӓn.
2011-2017 yıllarnı üz êçenӓ aluçı ber tikşerenügӓ kürӓ dönyanıñ törle urınnarında 259 keşe rӓsemgӓ töşkӓndӓ ülde.
Tikşerenüdӓ keşelӓrneñ sośial’ media xisaplarında oşatılsın dip biyek cirlӓrdӓ üz-üzen rӓsemgӓ töşerep, tormışların risk astına quyuı, xӓtta yaqtı dönyadan kitüe assızıqlandı.
Rӓsemgӓ töşergӓndӓ küpçelege batıp ülgӓn, qazağa yulıqqan, cӓnlek höcüm itkӓn, êlektr ağımına êlӓkkӓn hӓm yanğında ülgӓn.
Tikşerenü ütkӓrgӓn oyışma mondıy ülemnӓrneñ buldırılmawı öçen selfi öçen tıyılğan urınnarnıñ bilgelӓnüen tӓqdim itte.
Tıyılğan urınnar arasında taw başları, biyek binalar hӓm küllӓr dӓ bar.
Soñğı itep uzğan ayda Amerika Quşma Ştatlarında 18 yӓşlek Tomer Frankfurter 250 metr biyeklektӓn, Awstraliyada isӓ iyul’ ayında 19 yӓşlek Gavin Śimmerman upqın qırıyında üz-üzen töşergӓndӓ yaqtı dönyadan kitte.
Tikşerenügӓ kürӓ bu çorda Törkiyӓdӓ dӓ 5 keşe rӓsemgӓ töşergӓn waqıtta ülde.
