Kärkük aêroportı oçışlar öçen açıldı

Ğıyraqnıñ Kärkük şähärendä 2003nçe yıldan birle xärbi baza bularaq qullanılğan aêroport ğadäti oçışlar öçen açıldı. 15 yıldan soñ anda täwge tapqır grajdanlı oçqıç töşep urırdı. Ul Ğıyraq transport ministrlı Kazım Fincan äl-Xamamine kiterde. Açılış tantanasında şähär xakimiyäte başlığı, deputatlar häm cirle wäkillär qatnaştı. Xamami anda çığış yasap, köndälek säfärlärneñ Bagdad, Basra häm Näcäf şikelle şähärlärgä yasalaçağın belderde. Ul tizdän xalıqara oçışlarnıñ da başlanacağın assızıqladı.

Kärkük xakimiyäte başlığı Rakan Said aêroportnıñ şähär öçen ähämiyätle buluın söyläde. “Aêroport Kärkükneñ iq’tisadına häm dön’yağa açıluına ähämiyätle öleş kertäçäk,”-dide ul.

Aêroport 2003nçe yılda AQŞ basıp alğannan soñ ozın waqıt amerikalı xärbilär tarafınnan baza bularaq qullanıldı.