Franśiyä İzrailgä möräcäğat’ itte

Franśiyä ilbaşı Êmmanuêl’ Makron İzrail’neñ Fälästindäge kolonial’ säyäsäten tänqıyt’läde häm Xan äl-Äxmärne cimermäskä çaqırdı. Ul bu könnärdä räsmi säfär belän Franśiyägä kilgän Fälästin däwlät başlığı Mäxmüt Abbasnı qabul itte.

Oçraşudan soñ Makron Yelisey sarayınnan yazma belderü yasadı. Anda Qudüs mäs’äläsendä ike däwlätle çişeleşneñ tışında başqa yul bulmawı assızıqlana. Şulay uq, Franśiyäneñ Xan äl-Äxmärneñ cimerelüe häm anda yäşäwçelärneñ mäcbüri küçerelüenä çik quyu öçen tırışuı da äytelä. “Franśiyä bu cimerü çınğa aşmasın öçen İzrail xökümätenä citdi çaqıru yasıy,”-diyelä belderüdä.