Filippinnarda cir ubılu

Filippinnarnıñ Cäbu töbägendä ğadättän tış köçle yawımnar näticäsendä barlıqqa kilgän cir ubılularda, berençel mäğ’lümatlar buyınça, 4 keşe ülde, 7se yaralandı.

Naga xakimiyäte parlamentı räise Karmelino Kruz: “Waqıtıbız bik az. Afät töbägendäge cir xaman selkenä. Ber yaqtan qotqaru êşçänlegebezne tizlätäbez, ikençe yaqtan qotqaruçılarnıñ iminlegen täêmin itärgä tırışabız,”-dide.  

Naga şähäreneñ iminlek bülege wäkile Roderik Gonzales beldergänçä, cir ubılu waqıtında 2 awıldağı yaqınça 30 öy tufraq astında qalğan häm anda niçä keşe buluın tögäl belmilär.

Üle buluları raslanğan 4 keşeneñ isä 2se ölkän yäş’täge xatın-qız, 1se bala.

Cir ubılğan rayonnardan yaqınça 300dän artıq keşene êvakuaśiyälägännär.

Filippinnarğa şimbä könne xakimlek itkän Mangkxut öyermäsendä ülüçelärneñ sanı 81 bulğan. Monnan tış, 70 keşe yuğalğan häm 71e yaralanğan.