İzrail Süriyäneñ strategik ob’yektların töşerde

İzrail Süriyäneñ qayber strategik töbäkläreneñ iyärçennän töşerelgän fotoların bastırıp çığardı. Arada Bäşşar Äsäd rejimınıñ Dimäşqtağı ilbaşı sarayı da bar. Monnan tış, matbuğat çaralarında basılğan fotolarda başqala aêroportı häm rejimnıñ ber xärbi bazası da kürenä.

İzrail saqlanu ministrlığı beldergänçä, räsemnärne ilneñ “Ofek 11” isemle küzläw iyärçene töşergän. Räsmi açıqlawda: “Bu fotolar OFC 1 isemle täwge İzrail iyärçene oçırıluınıñ 30 yıllığı uñayınnan bastırıldı,”-diyelgän. Şul uq waqıtta, Äsäd rejimı öçen strategik ähämiyätle ob’yektlarnıñ räsemnäre Tel’-Aviv idaräse tarafınnan xalıqqa çığarıluı - İzrailneñ “taktik yanawı” bularaq farazlandı.