BMO ğomumi assambleyası utırışları başlana
Anda 140 tan kübräk kübräk däwlät häm xökümät başlığı qatnaşaçaq
Kiläse atnada Amerika Quşma Ştatlarınıñ New-York qalasında Berläşkän Millätlär Oyışması ğomumi assambleyasınıñ 73 nçe utırışları ütkäreläçäk.
Anda 140 tan kübräk kübräk däwlät häm xökümät başlığı qatnaşaçaq.
Yuğarı däräcäle cııyılışlarda Törkiyäne ilbaşı Räcäp Tayyip Ärdoğan wäkillek itäçäk.
Ul berençe könne çığış yasayaçaq.
Rusiya Federasiyäse däwlät başlığı Vladimir Putin, Qıtay däwlät başlığı Şi Cinping häm Germaniya kanślerı Angela Merkel bıyılğı oçraşuda urın almayaçaq.
Bu illärneñ ministr däräcäsendä qatnaşuı kötelä.
BMO ğomumi assambleyası utırışlarınıñ bıyılğı teması “Härkem öçen Berläşkän Millätlär Oyışması :Tınıç, ğadel häm däwam itterelä ala torğan cämğiyät’lär öçen global’ liderlıq häm urtaq cawaplılıqlar”dip atala.
Här yılnıñ sentyabr’ ayında BMO ğomum üzägendä cıyılğan liderlar global’ problemalarğa diplomatik çişeleş êzli häm illäreneñ säyäsätlären añlatu mömkinlegenä iyä bula.
Utırışlar 25 nçe sentyabr’dä başlanıp 1 nçe oktyabr’dä tögällänäçäk.
