Londonnan Parijğa oçuçı taksi

Angliyädäge Vertikal Aêrospeys şirkäte tizlege säğatenä 300 kilometrğa citä aluçı oçuçı taksilarnı 2022nçe yıldan ğamälgä kertergä maqsat itep quya.

Tayms gazetında urın alğan xäbärgä qarağanda, oyışma yasağan iñ soñğı model’ älegä säğatenä 160 kilometr tizlektän arttıra almıy. Bu kürsätkeçne başta 300gä, annarı 500gä citkerü planlaştırıla.

Şulay itep, Angliyä başqalası Londonnan Franśiyä başqalası Parijğa taksi belän baru mömkin bulaçaq. Maşinanıñ oçu yulına ixtıyacı yuq, ul vertikal’ räweştä oçıp kitä häm töşep utıra. Taksi qullanılışqa kersä, aêroportlarnıñ yöge kimi häm yulçılar ozın prośeduralardan qotılaçaq.