İdlibtä xastaxanägä höcüm

Süriyäneñ İdlib kiyerenkelekne kimetü töbägendä Äsäd rejimı boralağı ber xastaxanägä bomba höcüme yasadı. Älege mediśina üzäge Has awılında urnaşqan. Anda ülüçe yäki yaralanuçı yuq. Ämma xastaxanä qullanuğa yaraqsız xälgä kilde.   

İdlibneñ Xabit rayonına höcümdä isä ber balanıñ ğomere özelde, kimendä 5 keşe yaralandı.

Rusiyä häm Äsäd rejimınıñ xärbi oçqıçları häm boralaqları kiçä köne buyı İdlibneñ kön’yağındağı Marratinnuman, Xabit, Sircä, Xuveyin, Abidin häm Äl Xülübbä cirlekläre belän Hamanıñ tön’yağındağı Latamne rayonındağı toraq punktlarğa, xärbi oppoziśiyäneñ häm rejimğa qarşı törkemnärneñ front sızıqlarına höcüm itte. Grajdanlı saqlanu oyışmasınnan alınğan mäğ’lümatlarğa qarağanda, hawa xäräkätläre näticäsendä tınıç xalıqtan 7 keşeneñ ğomere özelde, 7se yaralandı. Şul uq çığanaqlar beldergänçä, 9 köndä İdlib häm Hamadağı höcümnärdä 29 keşe ülde, kimendä 58 keşe yaralandı.

Hamanıñ tön’yağındağı Käfärzita toraq punktındağı ber grajdanlı saqlanu üzäge dä höcümnär näticäsendä xezmät kürsätä almas xälgä kilde.