Äsäd rejimı İdlibkä höcüm yasadı

Süriyädä Bäşşar Äsäd rejimına bäyle berleklärneñ İdlib töbägenä yasağan artilleriya höcümnärendä ber grajdanlı keşe ülde, ikese yaralandı. Älege xäl irtänge säğat’lärdä buldı. Rejim tınıç xalıq yäşi torğan toraq punktlarğa attı. Höcümgä İdlibneñ Temania, Tux, Breysa häm Xuveyin awılları duçar buldı.

İke kön êlek isä Rusiyä xärbi oçqıçlarınıñ töbäkkä yasağan hawa höcümnärendä 10 keşe ülde, 20se yaralanğan ide.

Süriyäneñ tön’yaq-könbatışında urın alğan, xärbi oppoziśiyä häm rejimğa qarşı törkemnär kontrolendäge İdlibne Qazaqstan başqalası Astanadağı cıyılışta “kiyerenkelekne kimetü töbäge” dip iğ’lan ittelär. Şulay buluğa qaramastan, Äsäd rejimı häm qaywaqıt Rusiyä cirlekkä hawa höcümnäre yasıy.