Rusiyädä oçqıç yandı
Boeing 737-800 oçqıçı Soçi xalıqara aêrıportına töşep utırğanda yulınnan çitkä çığa
1041322
Rusiyädä oçqıç qazağa oçradı. Waqıyğada 1 keşeneñ ğomere özelde.
Utair şirkäteneñ Mäskäwdän kilüçe Boeing 737-800 oçqıçı Soçi xalıqara aêrıportına töşep utırğanda yulınnan çitkä çığa. Şunnan soñ motorlarğa ut qaba. Oçqıç êçendäge 166 yulçı qurqu tulı mizgellär kiçerä. Alarnı zur awırlıqlar belän êvakuaśiyälilär. Şok xälendäge yulçılarğa tabiblar yärdämgä kilde, qayberlären xastaxanägä ilttelär. 18 yulçınıñ xäle ayıruça awır, alar reañimaśiyädä. Waqıyğada şok xälenä kergän aêroport xezmätkäre yöräk öyänäge kiçerep ülde.
Qazağa ilneñ kön’yağında xakimlek itkän yawım-töşem säbäpçe. Töne buyı yawğan köçle yañğırdan küp cirlärdä su basular buldı.
