Germaniyädä zur yanğın

Germaniyäneñ Bavariyä töbägendä ber ximik êşkärtü zavodında şartlaw buldı häm şunnan soñ bik köçle yanğın başlandı. Waqıyğa urınına küp sanda poliśiyä berlekläre, yanğın sünderüçelär häm qotqaruçılar kilde. Berençel mäğ’lümatlarğa qarağanda, 8 keşe yaralanğan, 3seneñ xäle ayıruça awır.

Yanğınnan çıqqan töten yaqındağı toraq punktlarğa taraldı. Anda yäşäwçelärgä öyläreneñ täräzä häm işeklären yabarğa kiñäş ittelär. Yaqınça 1800 keşeneñ êvakuaśiyälänäçäge belderdelde.

Yanğınnı sünderü êşläre däwam itä, ul tirädäge yullarda xäräkät tuqtatılğan.