Yämändä qanlı avgust
Bu ay Yämändä “iñ qanlı avgust” bularaq tarixqa kerep qaldı
Bu ay Yämändä “iñ qanlı avgust” bularaq tarixqa kerep qaldı. Berläşkän Millätlär oyışması beldergänçä, ildä 9 köndä tınıç xalıqtan 450 keşeneñ ğomere özelgän. Cirlektä bäreleşlär başlanğannan, yäğ’ni 2015nçe yıldan birle iñ qanlı çor buluın äytälär. BMO soñğı 3 ayda wäzğıyät’neñ tağın da räximsez xälgä kilüen belderde. Bäreleşlär, ayıruça, Xudäydä rayonında kiskenläşte. BMOnıñ migrantlar yuğarı komissarlığı zıyan kürgän ğailälärne saqlaw häm ixtıyaclarına cawap birü öçen tırışuın xäbär itä.
Oyışma bäreleşlärdä qatnaşuçı barlıq yaqlarnı grajdanlılarnıñ tormışın saqlarğa, qaynar noqtalardan küçenüçe keşelärgä “imin yullar” açıp xäräkät itü mömkinlege birergä çaqırdı.
Bäyläneşle xäbärlär
Bötendönya sälamätlek saqlaw assambleyası açıldı
BMO ğomum särqatibe Antonio Guterriş anda Sudan häm Ğazzä temasın kütärde