Putinnan qanun ölgese açıqlawı

Rusiyä däwlät başlığı Vladimir Putin layıqlı yal yäşen kütärüçe qanun ölgeseneň yomşatıluın sorap, xatın-qızlarda bu yäş’neň 63 tügel, ä 60 bulırğa tiyeş dip äytte.

Putin televideniyeda xalıqqa möräcäğat’ itte, layıqlı yal yäşeneň kütärtelüenä qarağan ölgeneň üzgärteläçägen citkerde.

2000nçe yıllarda layıqlı yal yäşeneň kütärelüenä qarşı buluın xäterlägän Putin bügen iqtisadi şartlarnıň üzgärüen açıqladı.

Putin 3 häm kübräk balalı xatın-qızlarnıň da bala sanına qarap, tağın da irtä layıqlı yalğa çığa alacağın belderde.

Rusiyä xökümäte kiläse yıldan başlap layıqlı yal yäşeneň ir-atlar öçen 60tan 65kä, xatın-qızlar öçen 55tän 63kä kütärtelüen küzdä totuçı qanun ölgesen 14 iyun’ könne Dumağa täqdim itkän ide.