Ğazzädä balalarnıñ sälamätlegendä taypılışlar

Ğazzädäge mediśina üzäklärendä däwalaw tuqlanuınıñ citmäwe säbäple qayber balalarnıñ aqıl yağınnan artta qaluı turında kisätälär. Bu xaqta cirle sälamätlek saqlaw ministrlığınnan xäbär itelde. Anda, ayıruça, däwalaw söteneñ citmäwe näticäsendä fenilketonuriya belän awıruçı balalarnıñ tiyeşle tuqlanu almawı häm monıñ aqıl zäğıyf’legenä kiterüe äytelä. Xäzerge waqıtta 1 yäş’tän keçkenä 22 bäbäyneñ älege sötkä ixtıyacı bar, ämma moña qadär hiç anı qullanmağannar häm bu alarnıñ sälamätlegendä citdi taypılışlarğa kitergän. 1 yäş’tän zurraqlar öçen kiräkle söt isä barı tik 3 atnağa ğına citärlek qalğan.

Fenilketonuriya tumıştan kilä torğan xastalıq. Anıñ belän awıruçılar ğadäti söt rizıqları, yomırqa, çikläweklär, quzaqlılar şikelle proteinlı rizıqlarnı aşıy almıy häm ğomer buyı diyeta totarğa mäcbür. Läkin İzrailneñ 2006nçı yıldan birle däwam itüçe blokadası arqasında Ğazzädä küp kenä daru häm mediśina kiräk-yaraqlarına qıtlıq.