Ğazzädä 20 meñ keşe öysez

Ğazzä qamawı belän köräş itü komitetı 20 meň ğazzäleneň İzrailneň 2014 yılğı höcümnärendä qullanılmas xälgä kilgän öylärenä haman da qayta almawın citkerde.

Komitet başlığı Cämal äl-Hudari yasağan yazma açıqlawında İzrail 2014 yılda Ğazzägä oyıştırğan höcümnärgä işarät itep, bu höcümnärdä zıyan salınğan 2 meň öydä 20 meň fälästinleneň yäşäwen belderde.

Bu öylärneň qabat tözeleşe öçen yaqınça 150 million dollarğa ixtıyacnıň buluın äytkän Hudari ğazzälelärneň bu porblemasına qısqa waqıtta çişeleşneň tabıluı öçen aşığıç räweştä êşkä kereşü zarurlığın assızıqladı.

Komitet başlığı xalıqara cämäğat’çelektän Ğazzädäge qamawnıň bötenläy beterelüe, çik buyı qapqalarınıň açıluı häm tıyılğan ixtıyac materiallarınıň töbäkkä kerüen täêmin itü öçen yawlawçı köçlärgä basım yasawların taläp itte.

Ğazzädä 2014 yıldan bügengä qadär öysez qalğan fälästinlelär qaçaqlar şähärçegendä, konteyner öylärdä häm arendağa birelgän öylärdä yäşi.

İzrail armiyase 2014 yılnıň 7 iyul’ könne başlatqan häm 51 kön däwam itkän Ğazzägä höcümnärdä 551e bala bulğan barlığı 2 meňnän artıq fälästinle şähit buldı, 11 meňnän artıq keşe yaralandı.